OFFERYNNAU STATUDOL CYMRU
2015 Rhif 1831 (Cy. 267) (C. 115)
TAI, CYMRU
DIOGELU DEFNYDDWYR, CYMRU
Gorchymyn Deddf Hawliau Defnyddwyr 2015 (Cychwyn Rhif 2) (Cymru) 2015
NODYN ESBONIADOL
(Nid yw’r nodyn hwn yn rhan o’r Gorchymyn)
Mae’r Gorchymyn hwn yn dwyn i rym, ar 21 Hydref 2015, Bennod 3 o Ran 3 o Ddeddf Hawliau Defnyddwyr 2015 (“y Ddeddf”) at ddibenion sy’n weddill.
Mae Pennod 3 o Ran 3 o’r Ddeddf yn ei gwneud yn ofynnol i asiantau gosod i roi cyhoeddusrwydd i ffioedd perthnasol yn eu mangreoedd ac ar eu gwefan (os oes ganddynt un). Mae Pennod 3 hefyd yn darparu ar gyfer gorfodi’r ddyletswydd gan bob awdurdod pwysau a mesurau lleol yng Nghymru.
Daeth Pennod 3 o Ran 3 i rym pan roddwyd y Cydsyniad Brenhinol i’r Ddeddf ar 26 Mawrth 2015 at y dibenion o wneud rheoliadau.
Mae adran 87 (gorfodi dyletswydd asiantau gosod i roi cyhoeddusrwydd i ffioedd) ac Atodlen 9 (dyletswydd asiantau gosod i roi cyhoeddusrwydd i ffioedd: cosbau ariannol) o’r Ddeddf wedi eu cychwyn yn y Gorchymyn hwn. Mae Atodlen 9 yn darparu gweithdrefn ar gyfer cosbau ariannol a sut i apelio yn eu herbyn.
NODYN AM Y GORCHMYNION CYCHWYN CYNHARACH
(Nid yw’r nodyn hwn yn rhan o’r Gorchymyn)
Mae’r darpariaethau a ganlyn o’r Ddeddf wedi eu
dwyn i rym yn llawn (oni nodir fel arall) gan
orchymyn cychwyn a wnaed cyn dyddiad y
Gorchymyn hwn:
|
Darpariaeth |
Dyddiad Cychwyn |
Rhif O.S. |
|
Adran 89 |
1 Medi 2015 |
2015/1605 (Cy.203) |
OFFERYNNAU STATUDOL CYMRU
2015 Rhif 1831 (Cy. 267) (C. 115)
TAI, CYMRU
DIOGELU DEFNYDDWYR, CYMRU
Gorchymyn Deddf Hawliau Defnyddwyr 2015 (Cychwyn Rhif 2) (Cymru) 2015
Gwnaed 21 Hydref 2015
Mae Gweinidogion Cymru, drwy arfer y pŵer a roddwyd gan adran 100(3)(b) o Ddeddf Hawliau Defnyddwyr 2015([1]), yn gwneud y Gorchymyn a ganlyn:
Enwi, cymhwyso a dehongli
1.—(1)(1) Enw’r Gorchymyn hwn yw Gorchymyn Deddf Hawliau
Defnyddwyr 2015 (Cychwyn Rhif 2) (Cymru) 2015.
(2) Mae’r Gorchymyn hwn yn gymwys o ran Cymru.
(3) Yn y Gorchymyn hwn, ystyr “y Ddeddf” (“the Act”) yw Deddf Hawliau Defnyddwyr 2015.
Y darpariaethau sy’n dod i rym ar 21 Hydref 2015
2. Mae Pennod 3 o Ran 3 o’r Ddeddf yn dod i rym ar 21 Hydref 2015 i’r graddau nad yw eisoes mewn grym.
3. Mae Atodlen 9 i’r Ddeddf yn dod i rym ar 21 Hydref 2015 i’r graddau nad yw eisoes mewn grym.
Lesley Griffiths
Y Gweinidog Cymunedau a Threchu Tlodi, un o Weinidogion Cymru
21 Hydref 2015